शम्भु चौधरी लहान १३ चैत्र । राम नवमी हिन्दू धर्मका महत्वपूर्ण पर्व मध्ये एक हो। यस दिन भगवान राम को जन्म भएको विश्वास गरिन्छ। राम नवमी हरेक वर्ष चैत्र महिनाको शुक्ल पक्षको नवमी तिथिमा मनाइन्छ।
राम नवमी भगवान रामको जन्मोत्सव भएकाले यो दिन धार्मिक दृष्टिले अत्यन्त पवित्र मानिन्छ। भगवान रामलाई सत्य, धर्म, मर्यादा र आदर्शको प्रतीकका रूपमा हेरिन्छ। उनी रामायणका मुख्य पात्र हुन्, जसले आफ्नो जीवन मार्फत आदर्श पुत्र, पति र राजा कस्तो हुनुपर्छ भन्ने उदाहरण दिएका छन्।
बिहानै नुहाएर पूजा गर्ने गरिन्छ, घर तथा मन्दिरमा रामको मूर्ति वा तस्वीर सजाइन्छ, रामायण पाठ गरिन्छ, भजन कीर्तन तथा आरती गरिन्छ, उपवास बस्ने प्रचलन पनि छ ।
विशेष गरी जनकपुरधाम लगायतका स्थानहरूमा ठूलो मेला लाग्छ र भव्य उत्सव मनाइन्छ।
राम नवमी केवल धार्मिक पर्व मात्र नभई नैतिक शिक्षा दिने दिन पनि हो। यसले मानिसलाई सत्य, धर्म र कर्तव्यको बाटोमा हिँड्न प्रेरणा दिन्छ।
