शम्भु चौधरी लहान २४ चैत्र । नेपालमा बाँसको उपयोगिताबारे शुक्रबार सिरहाको धनगढीमा उपचार गरिएको बाँसको उपयोगिता तथा प्रवद्र्धन सम्बन्धि नगरपालिका तथा गाउँपालिका स्तरीय कार्यशाला गोष्ठी सम्पन्न भएको छ ।
उपचार गरिएको बाँसबाट कसरी अवासको लागी घर निमार्ण तथा अन्य सामाग्री तयार पार्न सकिने उद्देश्यका साथ गरिएको गोष्ठिमा धनगढीमाई न पा का उपप्रमुख र अधिकाश वडा अध्यक्षहरु,प्राविधिकहरु तथा लक्ष्मीपुर पतारी गाउँ पालिकाका प्रमुख उपप्रमुखको उपस्थिती रहेको थियो ।
कार्यक्रमका प्रशिक्षक चुरे वनका बाँस,बेत तथा जडीबुटी बिज्ञ छोटेलाल चौधरी रहेका थिए । प्रशिक्षक चौधरीले भने एक किलो बोरिक २ किलो बोरेशलाई २० लिटर पानीमा झोल बनाई त्यस झोलमा बाँसलाई उपचार गर्नु पर्ने हुन्छ । उपचार गरिएको बाँँस २० देखि २५ वर्षसम्म खप्न सक्ने बताए । विश्वमा ९० प्रजातीका बाँसहरु पाईन्छ भने नेपालमा ११ प्रजातीका बाँसहरु पाईने गरेको छ । नेपालमा ६३ हजार हेक्टरमा बाँस पाइन्छ । यसबाट सिप अनुसारको समाग्री निमार्ण गरियो भने आम्दानी पनि राम्रै हुने चौधरीले बताए ।
ह्याबिटयाट फोर हुम्यानिटि नेपालको आर्थिक सहयोग, भवानी एकिकृत विकास केन्द्र भवानीपुर सिरहाको सहकार्य तथा महुली सामुदायिक विकास केन्द्र सप्तरीको आयोजनामा गोष्ठी सम्पन्न भएको थियो ।
कार्यक्रमबारे जानकारी भवानी एकीकृतबाट पदेन सदस्य दिपेश कुमार चौधरी जसले लहान न पा मा ५० वटा घर निमार्ण तथा कर्जन्हा न पा मा ५५ वटा घर निमार्ण गरिएको बताए । त्यसतै महुली सामुदायिकबाट चन्द्र नारायण चौधरी जसका अनुसार मधेश प्रदेशमा विगत १३ वर्षदेखि यो कार्यक्रम संचालनमा छ । यो प्रविधि फिलिपिन्सबाट भित्रिएको हो । यो कार्यक्रम खास गरी भुमिहिन,अवास विहिन,अति विपन्न र जोखिमको मारमा परेकोलाई ४ लाखको लागतमा २ लाख पालिकाबाट र २ लाख संंस्थाबाट दिने प्रावधान रहेको चौधरीले बताए ।कार्यक्रमको अध्यक्षता लक्ष्मीपुर पतारी गाउँपालिकाका अध्यक्ष चतुरानन्द ठाकुरले गर्नु भएको थियो । अध्यक्ष ठाकुरका अनुसार कार्यक्रम लाभदाय छ । यसलाई हामी बोर्ड बैठकमा राख्ने बताए । साथै यहाँ उपस्थित सम्पुर्ण वडा अध्यक्ष प्राविधिक साथीहरु आजैबाट यसको प्रचार प्रसारमा लागी पर्ने बताए ।
