छपराडी शाखाको गोरखा फाइनेन्समा चोरी

शम्भु चौधरी १५ चैत्र। सिरहाको धनगढीमाई न पा ११ छपराडी बजार स्थित रहेको गोरखा फाईनेन्सको शाखा कार्यालयमा चोरी भएको छ ।

उक्त फाईनेन्समा सोमबार राति करिब १ बजेको समयमा चोरी भएको हो। कार्यालय भवनको पछाडी पट्टीको भागको झ्याल फोडी र सिसि क्यामेराको तार काटी चोरी भएको हो ।
कार्यालयको तल्लो भागमा रहेको कोठाको झालको रडहरु तोडिएको अवस्था रहेको छ भने घटना स्थलबाट एक थान छुरा, एक थान पेचकस र एक थान मुखौटा फेला परेको प्रहरीले जनाएको छ ।

फाइनान्सबाट करिब २ लाख ५७ हजार २ सय ७९ रुपैयाँ चोरी भएको जिल्ला प्रहरी कार्यालय सिरहाले जनाएको छ ।