शम्भु प्रसाद चौधरी लहान २९ असार । सिरहाको धनगढिमाई नपा १ (साविक भवानीपुर प्रध ७, ८, र ९ ) मा गाँउ ब्लक जग्गा धनि प्रमाण पुर्जा वितरण भएको छ । नापि कार्यालय लहान सिरहाको समन्वय र सम्वन्धित वडा कार्यालयको सहयोगमा सो प्रमाण पुर्जा वितरण गरेको हो ।
कार्यक्रममा नापी कार्यालय लहानका टोलि प्रमुख रत्न प्रसाद साहले २०७२ हक भोग चलन बमोजिम नापी विभागको आदेश अनुसार टोलि नम्बर २ पुरै गाविस भित्र ७ सय ४० जनाको जग्गा नाप भएको थियो, जस अनुसार ३ सय ५५ जनाको जग्ग दर्ता भएको छ । सो मध्ये प्रमाण पुर्जा ३ सय २४ मात्र आएको छ । साविक भवानीपुर प्रध ७, ८, र ९ मा लगभग २ सय प्रमाण पुर्जा आएको छ । साविक वडा ६ मा खासै गाँउ ब्लक जग्गा नरहेको टोलि प्रमुख साहले बताए ।
प्रमाण पुर्जा वितरण ५ जना ज्ेयष्ट नागरिकबाट शुुभारम्भ गरिएको थियो ।
कार्यक्रममा सम्बन्धित वाडका भुपु वडा अध्यक्ष सुर्यनारायण महतोले गाँउ ब्लक जग्गाको लागि मैले गरेको अथक प्रयास सफल भएको अनुभुति प्रकट गर्नृुभयो । त्यसतै निवर्तमान वडा अध्यक्ष सुर्यनारायण यादवले जग्गा धनी प्रमाण पुर्जा पाए्र जनताहरु खुसी भएका छन् । आफुले बनाएको घर समेत आफ्नो नाममा नरहेको सुकुमबासी जस्तै महशुुस गर्दै प्रमाण पुर्जा पाएपछि हाम्रो जग्गा भनेर कहलाउन सकियो ।
कार्यक्रम निवर्तमान वडा अध्यक्ष सुर्यनारार्यण यादवको अध्यक्षतामा सम्पन्न भएको हो ।
