महेश सिंह सिरहा लहान २२ जेठ – सिरहाको धनगढीमाई नगरपालिकाको नवनिर्वाचित जनप्रतिनिधि र कृषक महासंघ बिच अन्तरक्रिया कार्यक्रम सम्पन भएको छ्।किसानहरुको हक अधिकारको लागि बर्सौ बर्ष देखि अवाज उठाउदै आएका राष्ट्रिय कृषक महासंघ नेपालले नेपालको अधिकांन्स जिल्लामा रहेको गरिब दलित र सीमान्तकृत समुदायको उत्थानको लागी नगरपालिका र गाउँपालिकाहरु संग समन्वय गरी पछिल्लो बर्षहरुमा सिरहा,सप्तरी र धनुषा लगायतका जिल्लाहरुमा करार खेती गरेका छन्।
नेपालमा सब भन्दा पछी परिएका मुसहर समुदाय नै रहेको एक तथ्यांकले बताउँछन्।महासंघले पछाडि परीएका संमाङ्गकृत समुदायको उत्थानको लागी कारार खेती सुरु गरेका महासंघका कार्यक्रम परियोजना अधिकृत दिलिप कुमार साहले बताए।कार्यक्रममा महसंघका केन्द्रिय कार्यक्रम संयोजक केदार कोइराला,केन्द्रिय उपाध्यक्ष अमिरलाल यादव,जिल्ला अध्यक्ष प्रदिप कुमार सिंह लगायतका पदाअधिकारीहरुको उपस्थिति रहेको थियोे।
जिल्लाअध्यक्ष सिंहका अनुसार किसानहरुलाई समयमा मलखाद उपलब्ध र सिचाइको लागि विद्युतको बिल नि:शुल्क र कृषि ऐन अन्तर्गत एक घर एक उत्पादनमा जोड दिनु पर्ने,किसानहरुलाई कर छुट हुनुपर्ने किसानहरुले उत्पादन गरिएको उपजको उचित मुल्य निर्धारण र बजार ब्यवस्थापन, माटोको उपचार जेबिक मल पराङ्गगारीक मल,शिक्षा स्वास्थमा कृषि कलेज र मेडिकल कलेज स्थापना हुनुपर्ने लगायतका मागहरु राखेका थिए।
सम्मान ग्रहण गर्दै नव निर्वाचित मेयर शिव शंकर महतोले महासंघलाई स्वागत गर्दै आफू पनि किसानको छोरा नै छु भन्दै धनगढीमाई नगरपालिकामा रहेको बाझो जग्गामा खन्जोत गरी कृषि क्षेत्रमा आबद्ध गर्ने मेयर महतोले बताए।
महासंघ संग समन्वय सहकार्य गर्न नगरपालिका तयार रहेको बताए।हामीले नै समाजलाई बिगारेका हौं,समाजलाई स्वाबलम्वी बनाउनु पर्ने कुरामा जोड दिनु भयो।
महासंघका कार्यक्रम परियोजना अधिकृत दिलिप कुमार साहका अनुसार किसानलाई परिचयपत्र किसान सूचीकरण,बजेट निर्माण किसानहरुलाई वर्गीकरण सहितको कार्यक्रमहरु ल्याउनु पर्नेमा जोड दिनु भयो।आम्दानी र जग्गाको आधारमा जोडनु किसान वर्गीकरणमा जोड दिनु भयो।
