शम्भु चौधरी लहान २८ कार्तिक । जनभावना बचत तथा ऋण सहकारी संस्था लि. धनगढीमाई नगरपालिका १ सिरहाको नवौ वार्षिक साधारण सभा शनिवार सम्पन्न भएको छ ।
धनगढीमाई नगरपालिका अन्र्तगत रहेका सहकारी विभाग प्रमुख सावित्रि साहको प्रमुख आतिथ्यमा सो सभा सम्पन्न भएको हो । सभामा प्रमुख अतिथी साहले सहकारी डिभिजनबाट नगरपालिकामा सहकारी दर्ता प्रक्रिया गाभेको ३ साल जति भयो तर नगरपालिकाले खासै सहकारीहरु प्रति निगरानी गर्न सकेको छैन । अहिले पनि धेरै सहकारीहरु विधिवत रुपमा सञ्चालन नभइ सेयर धनिहरुको सेयर रकम समेत डुब्ने अवस्थामा छ । अब प्रकिया गत रुपमा सञ्चालन नभएका सहकारीहरुलाई अनुगमन गरी कारवाहि प्रक्रिया समेत अगाडि बढाउने बताए ।
कार्यक्रममा सहकारीका कोषाध्यक्ष नारायण यादवले करिब २ करोडको कारोवारको आय व्यय विवरण प्रस्तुत गर्नुभएको थियो । सहकारीमा ५ सय ५० जना सेयर सदस्य रहेको सहकारीका सचिव उमेश कुमार यादवले बताए ।
कार्यक्रममा अधिकासं वक्ताले ऋण लिएर उत्पादन मुलक, सिपमुलक, तथा व्यवसाय मुलक कार्यमा लगाउनु पर्नेमा जोड दिएका थिए ।
सहकारीका अध्यक्ष भोगेन्द्र यादवको अध्यक्षतामा कार्यक्रम सम्पन्न भएको थियो भने कार्यक्रम सञ्चालन सहकारीका उपाध्यक्ष शम्भु प्रसाद चौधरीले गरेको थियो ।
