लहान २७ असोज । सिरहाको लहान स्थित लोकमार्गमा व्यवस्थापनको अभावमा सवारी साधनबाट जबरजस्ती रकम असुली गर्ने गिरोह सक्रिय छ ।
लहानको सहिद चौकदेखि पूर्व एक गिरोहको निगरानीमा पार्किँग गरिरहेको छ । सहिद चौकदेखि पश्चिम तीन स्थानमा पार्किँग गरिरहेको छ । पार्किँग निषेधित भने बोर्ड लेखिएको ठाउँमा विन्गर, म्याजिक, बस त्यो गिरोहको निगरानीमा दादागिरीका साथ पार्किग गरिरहेको छ ।
दशैं तिहार, दीपावली तथा छठ पर्वको यो अवस्थामा सहिद चौकको पूर्व गाइघाट स्टेन र मुक्तिनाथ बैंकको अगाडि स्टेन सँचालन गरी भिडभाड गरिरहेको छ । सहिद चौकदेखि पश्चिम मारुती होटल अगाडि, हरिकल्याण औषधालयको अगाडि र पत्रिका पसलको छेउमा सवारी साधनको पार्किग गरेर भिडभाड बढाउँने गरेको छ । अवैधानिक संचालन गरिरहेको सो पार्किगमा विन्गर, म्याजिक तथा सवारी साधन राखिएमा प्रति सवारी ७० रुपैयाँँको दरमा अवैद्य गिरोहलाई बुझाउँनुपर्ने बाध्यता छ ।
अवैद्यानिक सँचालित सो पार्किगमा दैनिक सयौ गाडि रोकिन बाध्य पार्छ । पार्किगमा रोकिएको वापत ७० रुपैयाँको दरमा रकम असुली गरिरहेको एक विन्गर सँचालकले बताए । बीच सडकमा यसरी जथाभावी सवारी साधन रोकिँदा साना सवारी साधन सिटीवाला र सर्वसाधारणलाई दुर्घटनाको जोखिम खेप्नु परेको सिटी सँचालक रामचन्द्र महतो बताउँछन् । उता, लोकमार्गको सहिद चौकदेखि दक्षिण तरकारी बजारमा विहान बेलुका भिडभाडले सडक नै अवरोध हुँदै आएको समाजसेवी मनोज यादव बताउँछन् ।
यादव अगाडि थप्छन् — सवारी साधनको व्यवस्थापन नगरिएकोले यो कोरोनाको अवस्थामा लहानमा जहाँ पनि भिड बढेको छ । प्रहरी प्रशासन र स्थानीय निकाय यसलाई यथाशिघ्र व्यवस्थापन गर्नुपर्ने हो । यो दायित्व पनि ती सरोकारवाला निकायको हो । नभए अब जनता आन्दोलनमा उत्रिन बाध्य हुने उनी बताउँछन् । पार्किगमा सवारी साधन लगाउँदा सम्बन्धित युनियनलाई दैनिकी रकम बुझाइरहेको छु । त्यसमा पनि थप ७० रुपैयाँको दरमा दादागिरी ट्याक्स बुझाउँनुपर्ने बाध्यता छ ।
यो ७० रुपैयाँ न कुनै राजस्वमा जान्छ । न कुनै निकायमा नै जाने गरेको छ । व्यक्तिगत दादागिरी ट्याक्स उठाउँने गरेको छ । जो मासिक ७—८ लाख असुली गरेर केही व्यक्तिले बाँडफाड गर्छन् एक विन्गर सँचालक बताउँछन् । उता, जिल्ला ट्राफिक कार्यालय लहान सिरहाका इन्स्पेक्टर दानबहादुर मिरिँगचिँगले ‘चाडै सडक व्यवस्था गर्ने । अवैद्य पार्किँगलाई वस पार्कतर्फ लैजाने तयारी गरिरहेको छु । एक साताभित्र सवारी साधनको व्यवस्थापन गर्न छलफल अगाडि बढाउँने बताउँछन् ।
