सर्लाही सम्बादाता ९ भदौ । सर्लाही जिल्लाको बरहथवा नगरपालिका–६ स्थित चोकबाट १ थान नलकटुवा पेस्तोल र ३ थान गोली सहित २ जनालाई सोमबार राति प्रहरीले पक्राउ गरेको छ ।
पक्राउ पर्नेहरूमा बागमती नगरपालिका–८ बस्ने २८ वर्षीय अरुण लामा र बरहथवा नगरपालिका–५ बस्ने २८ वर्षीय अगबर अंसारी रहेका छन् ।
बीआर ३० जे ३०८० नम्बरको मोटरसाइकलमा सवार उनीहरूलाई ईलाका प्रहरी कार्यालय बरहथवाबाट खटिएको प्रहरीले जाँच गर्नेक्रममा मोटरसाइकलको लेगगार्डमा झोलाभित्र झुण्डयाएर ल्याएको अवस्थामा उक्त पेस्तोल फेला पारी पक्राउ गरेको हो ।
