बाँके १३ भदौ । भेरीअञ्चल अस्पताल नेपालगञ्जमा कर्मचारीहरुको लापरबाहीका कारण विभिन्न स्थानबाट कोरोना कहरबीच जोखिम खेपेर उपचारका लागि आउने बिरामीहरुले कर्मचारीहरुको लापरबाही तथा मनोमानीका कारण सास्ती भोग्नुपरेको छ ।
अस्पतालका विभिन्न प्राविधिक फाँटमा काम गर्ने कर्मचारीहरुले आफुखुशी काम गर्दा गम्भीर अवस्थामा रहेका विरामीहरुले दुख पाउने गरेका हुन । अस्पतालमा डक्टरको चेकजाँच ठिक रुपमा हुनेभएपनि केही कर्मचारीहरुको व्यवहारले आफुहरुले हैरानी भोग्नुपरेको बिरामीका आफ्न्तहरुको भनाई छ ।
आज प्यारालाईसिसको समस्या भोग्दै आएका एक बिरामीलाई सिटीस्क्यान गराउनका लागि उनका छिमेकीहरुले भेरी अञ्चल अस्पतालमा कार्यालय समयमै पुर्याए तर त्यहाँ सिटीस्क्यान गर्ने कर्मचारी ताला लगाएर घरमा बसेका थिए । बिरामीका सहयोगीहरुले उनलाई फोन गरेर बोलाउँदा समेत सेवा दिन तयार भएनन् ।
भेरीअञ्चल अस्पतालका सिटीस्क्यान, एक्सरे लगाएका विभिगमा काम गर्ने कर्मचारीहरुले बिरामीलाई दुख दिने गरेको गुनासो यो पहिलो भने होइन । यसअघि पनि यस्ता गुनासोहरु सामाजिक सञ्जाल र समाचार माध्यमहरुमा आइरहेका थिए ।
नेपालगञ्ज उपमहानगरपालिका वडा नं. २ घरबारीटोल निवासी तपन कुमार बिश्वास बिगत केही दिनदेखी प्यारालाईसिस भई थला परेका छन । उनको उपचारका लागि टोल छिमेकबाट आर्थिक सहयोग संकलन गरेर आज सिटीस्क्यान गराउन भेरीअञ्चल अस्पतालमा लगिएको थियो ।
छरछिमेकीले बिरामीलाई अस्पताल पुर्याए पनि त्यहाँ सिटीस्क्यान गराउने कर्मचारी मिश्राले कार्यालयमा ताला लगाएर घर गएका थिए । उनलाई पीडित बिरामी तपन विश्वासको सिटीस्क्यान गरिदिन भन्दै धेरै अनुरोध गर्दा समेत नआएको भन्दै बिरामी पक्षकाले हरपल नेपालका बाँके समाचार प्रमुख दिनेश कुमार श्रीवास्तवसँग गुनासो पोखें ।
समाजसेवी एवं बिरामीको उपचारको लागि आर्थिक संकलन गरेर अस्पतालसम्म पुगेका बन्टी सिंह सरदारले अस्पतालका सिटीस्क्यान कर्मचारी मिश्राको मनोमानीले धेरैले दुख पाएको बताए । सरदारले भने–‘जनताले बिश्वास गरेर आ–आफ्ना बिरामीहरुलाई सन्चो हुन्छ भनेर अस्पताल ल्याएका हुन्छन तर मिश्रा जस्तो कर्मचारीहरुको व्यवहारले गर्दा त बिरामी उचार गराउन नपाई मृत्युको मुखमा पुग्न बेर छैन।’
फोन गरेर बोलाउदा मिश्राले आफूले सिटी स्क्यान नगर्ने, वाहिर बिरामीलाई बाहिर लिएर जान भनेको सरदार बताउँछन । मिश्राले बाहिर प्राइभेटमा पठाउने नियत देखाएपछि बिरामीका सहयोगी र अस्पतालका कर्मचारीबीच केहीबेर विवाद समेत भएको थियो ।
सरदारले दुखेसो पोख्दै भने–‘स्वास्थ्य जस्तो संवेदनशिल क्षेत्रमा काम गर्ने कर्मचारीहरुको यस्तो व्यवहारबाट धेरै मानिसहरु दुखी हुन्छन । कर्मचारीमा आफ्नो स्वार्थ भन्दा पनि बिरामीहरुप्रति सेवाको उदेश्य हुनुपर्नेमा मिश्राको यस्तो व्यवहारले गर्दा बिरामीको अकालमा मृत्यु समेत हुन सक्छ । यस्तालाई अस्पताल प्रशासनले कारबाही गरोस् ।’
उक्त विषयमा अस्पताल प्रशासनसँग बुझ्न खोज्दा त्यहाँ कसैलाई सम्पर्क गर्न सकिएन । उपचारको प्रकृयामा अहिलेको जटिल अवस्थाबिच अस्पताल पुगेका बिरामीहरुले अस्पताल पुगेरपनि कर्मचारीको कारण यस्तो दुख कहिलेसम्म भोग्नुपर्ने हो ? समस्याको समाधानमा अस्पताल प्रशासनले ध्यान दिन जरुरी रहेको बिरामीका आफन्तजनहरुको भनाई रहेको छ ।
