नरेन्द्र महतो गौशाला १२ माघ । देशका विभिन्न भागहरुमा सवारी दुर्घटना अत्यधिक वढेको कारण महोत्तरी जिल्लाको गौशाला नगरपालिका स्थित वजार क्षेत्रमा हेल्मेटमा कडाई गरेको छ ।
मोटर साईकल चालकले विना हेल्मेट लगाएर गाडि चलाए पछि दुर्घटनामा ज्यान जाने भएकोले हेल्मेट लगाए पछि ज्यान बाँचन सकिन्छ भने उदेशयले हेल्मेट नलगाउनेहरु माथि काडा कडाई गरिएको ईलाका प्रहरी कार्यालयका प्रहरी निरीक्षक प्रकाश रेग्मीले बताए।
हेल्मेटमा कडाई गरे पछि उहाँहरुको आमा बुआलाई जानकारि होस कि हेल्मेट नलगाए पछि दुर्घटना भएमा ज्यान पनि जान सकिन्छ र आ आफ्नो छोरा छोरीलाई सम्झाउन सकोस भने उदेश्यले कडाई गरिएको छ। मोटरसाईकलमा तीन जना व्यक्ति बस्ने तर हेल्मेट नलगाएकाहरुलाई झन कडाई गर्ने छन ।
दिन प्रति दिन वजारमा मोटरसाईकलको चाप बढदै गईरहे पनि हेल्मेट नलगाउने प्रवृति बढेको कारण मोटर साईकल चालकलाई सुरक्षाको लागि हेल्मेटमा कडाई गरेका छन । मोटरसाईकललाई मात्र होईन तीन पांग्रा टेम्पुलाई पनि क्षमता भन्दा वढि यात्रु बसाएमा टेम्पु चालकलाई कर्वाई गर्ने छन ।
मानिसको जिउ धनको रक्षा गर्नु सुरक्षा कर्मीहरु सब भन्दा वढि कर्तव्य भएकोले गौशाला वजार क्षेत्रमा धेरै दिन देखि हेल्मेट लगाउन प्रचार प्रसार गराईए पनि कुनै सुधार नआएको कारण ट्रफिक प्रहरी लगाएर कडाई गरिएको रेग्मीले जनाएका छन ।
