मन्त्रिपरिषद् विस्तारको लागि ४ राज्यमन्त्री थपिँदै , प्रदेश १
इटहरी ४ माघ । प्रदेश सरकार गठन भएको दुई वर्ष पूरा हुनै लाग्दा प्रदेश १ मा मन्त्रिपरिषद् विस्तार हुने भएकाे छ।
४ राज्यमन्त्री थप गरेर मन्त्रिपरिषद् विस्तार गर्ने तयारी छ। प्रदेश १ मुख्यमन्त्री कार्यलयकाअनुसार आइतबार दिउँसो ३ बजे मन्त्रीको सपथ ग्रहणको कार्यक्रम राखिएको छ।
नयाँ मन्त्री हुनेहरुमा पूर्वएमालेबाट ३ र पूर्वमाओवादी केन्द्रबाट १ जनाको नाम आएको छ। पूर्वएमालेबाट भौतिक पूर्वाधार राज्यमन्त्री अमीर बाबु गुरुङ, उद्योग वन तथा वातावरण राज्यमन्त्री जसमाया बिक, कृषि राज्यमन्त्री राम रानामगर र पूर्वमाओवादीका तर्फबाट विजय विश्वास सामाजिक विकास राज्यमन्त्री हुने भएका हुन्।
याेसँगै प्रदेश १ को मन्त्रीमण्डल ९ सदस्यीय हुने भएको छ। स्राेतका अनुसार अहिलेलाई राज्यमन्त्री बनाउने र केही समयपछि पूर्णमन्त्री बनाउने गरी गृहकार्य भइरहेको छ। नेपाल लाइभबाट
