दुईजनाबाट इटहरीमा एक महिला करणीको शिकार

इटहरी सूनसरीको इटहरीमा एक महिला करणीको शिकार बनेकी छिन् । आइतबार दिउसो सुनसरी मोरङको सिमामा पर्ने बुढी खोलामा जवरजस्ती लगी दुईजनाको समूहले महिलालाई करणी गरेको खुलेको छ  ।

महिलालाई ईटहरी ६ बस्ने  सिटी सफारी चालक नरेश थारु र इटहरी ९ बस्ने नरेशका साथि सन्दिप चौधरीले सिटी सफारीमा बुढी खोला नजिक रहेको गोकुलम पार्क पछाडी एकान्त स्थानमा  लगेर जवरजस्ती गर्दै गरेको  अबस्थामा स्थानियले फेला पारेका थिए । स्थानियको सहयोगमा घटनास्थलबाटै दुवैजनालाई प्रहरीले पक्राउ गरेको हो ।

इलाका प्रहरी कार्यालय इटहरीका प्रहरी निरीक्षक मानबहादुर श्रेष्ठले घटनाको अनुसन्धान भइरहेको बताए । सिटि सहित दुवैलाई घटनास्थलबाटै नियन्त्रणमा लिएको र ‘दुबैजनालाई अदालतबाट म्याद थप गरि थप अनुसन्धान भइरहेको  निरीक्षक मानबहादुर श्रेष्ठले बताए ।