शम्भु चौधरी लहान २६ पुस । सिरहाका धनगढीमाई नगरपालिका १ मा आधारभुत स्वास्थ्य चौकी निर्माणको लागी सम्बन्धित वडाका बालेश्वर महतोले ५० लाख बराबरको जग्गा दान गर्नु भएको छ ।
वडाका जनताले सर्वसुलव तरीकाबाट स्वास्थ्य सेवा प्रदान गर्ने उद्देश्यले शुक्रबार धनगढीमाई नगरपालिकाका नगर प्रमुख हरी नारायण चौधरी र उपप्रमुख फुलकुमारी श्रेष्ठले संयुक्त रुपमा सो कार्यको शिलान्यास गर्नु भएको छ ।
२ कठठा ५ धुर जग्गाको हालको मुल्य ५० लाख जतिको भएको वडा नम्बर १ का वडा अध्यक्ष सुर्य नारायण महतो बताएका छन । आज शिलान्यास भयो अबको ४ महिना भित्र स्वास्थ्य चौकी निर्माण भई सक्ने वडा अध्यक्ष महतोले दावी गरेका छन ।
३ कोठा, एक बरन्डा र एक सिरहीको डिजाईनमा बन्ने स्वास्थ्य चौकीको लागत ईष्टीमेट ३८ लाख बराबरको रहेको ईन्जिनियर शम्भु कुमार यादवले बताएका छन ।
वडा अध्यक्ष महतोका अनुसार स्वास्थ्य चौकी निर्माण कार्यको ठेक्का माँ सखरा भगवती कन्टक्सनलाई जिम्मा दिई सकेको वहाले बताए । हामी बैशाख महिना भित्र स्वास्थ्य चौकी निर्माण गरी सम्बन्धित वडालाई हस्तान्तरण गरी दिने कन्टक्सनका प्रोप्राईटर रामकुमार साहले बताएका छन ।
यता जग्गा दाता बालेश्वर महतोलाई नगर प्रमुख चौधरीले सहयनिय कार्य गरेको भन्दै धन्यवाद पनि ज्ञापन गरेका छन ।
