बिजय कार्की ०४,पुस उदयपुर । उदयपुरको लिम्चुङबुङ गाँउपालिकाले गाउँपालिका अध्यक्षलाई चार पांग्रे जिप खरिदको लागि बिनियोजित बजेटले १ बर्ष अगाडी सर्वसाधरणको लागि यात्रुवहाक वस किन्ने निर्णय गरे पनि अझै किन्न सकेको छैन।
गत आर्थिक वर्ष ०७४ र ०७५ मा गाउँपालिकाले ७५ लाख ७१ हजार बजेट जनप्रतिनिधिको लागि चारपांग्रे सवारी खदिको लागि विनियोजन गरेको थियो। सो बजेटले सर्बसाधारणका लागी गाईघाट, मुकुर्ची, लिम्चुङबुङ हुँदै हलेसी चल्ने गरी यात्रुवाहक बस संचालन गर्ने निर्णय गरेको थियो। गाउँपालिका अध्यक्ष, उपाअध्यक्षको यात्राको लागि जीप किन्ने बजेटले पालिकावासी सर्बसाधरणका लागी संचालन गर्ने प्रचार गरिए पनि एक बर्ष वित्न लाग्दा पनि बस संचालन हुन नसकेको स्थानियहरुले गुनासो गरे।
९ महिना अगाडी गाउँसभा बैठकबाट जनप्रतिनिधिको लागि चारपांग्रे सवारी खदिक गर्ने निर्णय उल्टाउँदै गाउँपालिका अध्यक्ष मेजर कुमार राईको अध्यक्षतामा बसेको बैठकले सर्वसाधारणका चढ्ने बस खरिद गर्ने निर्णय गरेको थियो।
सर्वसाधारणका किन्ने भनिएको बस आउन अझै केहि महिना लाग्ने गाउँपालिका का प्रमख प्रशासकीय अधिकृत भक्त्त बहादुर राईले बताए। २०७५ चैत ३ को गाउँसभा बैठकबाट तत्काल सर्वसाधरणको लागि यात्रुवहाक वस खरिद गर्ने भन्दै बजेट विनियोजिन गरेको ९ महिना वितिसक्दा समेत खरिद गर्न नसक्दा स्थानियहरु जनप्रतिनिधि सँग प्रति रुष्ट छन्। गाउँपालिकाले समयमै बस खरिद नक्दा तथा भाडादर कायम नर्गदा व्यवसायिहरुले मनपरी भाडा लिएकाले यात्रुहरु थप मर्कामा परेको स्थननिय मेघ बहादुर कार्कीले बताए। गाउँपालिकाले बजेट खर्च गर्न नसक्दा गत आर्थीक बर्षको बजेट सञ्चित गरेर यो बर्ष लाई राखेको हो।
