महेश सिंह सिरहा २४, श्रावण सप्तरीको बोदेबरसाईन नगरपालिका वडा नं. ३ र १ को स्वास्थ्य चौकीमा क्षयरोगी कुपोषित बच्चा किशोरी र गर्भवत्ती महिलाहरुमा रक्तअल्पत्ता पत्ता लगाउन माईक्रोस्कोपिक क्याम्प शिविर सम्पन्न भएकोछ ।
सम्पन्न शिविरमा ७ सय ६५ जना बच्चामा गरीएको कुपोषण परिक्षणमा ४० प्रतिशत वालवालिका कुपोषित भेटिएको नगरपालिकाका स्वास्थ्य संयोजक बैधनाथ प्रसाद साहले जानकारी दिनुभएको छ । भेटीएको कुपोषित बच्चा खासगरी दलित विपन्न परिवारको भएको संयोजक साहले बताए । उहाँका अनुसार दुईटै वडामा ४ सय ६ जना किशोरी र महिलाहरुमा हेमोग्लोबीन जाँच गर्दा करीब ३० प्रतिशत महिलामा रक्तअल्पत्ता भेटीएको जानकारी दिनुभएकोछ ।
बोदेबरसाईन नगरपालिकाको सहयोगमा संचालित कार्य्रक्रममा बोल्दै नगरपालिकाका नगर प्रमुख आत्तिस कुमार सिंह यादवले अव कुनै पनि बालबालिका कुपोषणका कारण आकालमै ज्यान गुमाउन नपर्ने बताउनु भएकोछ । गर्भमै बच्चालाई कुपोषणबाट जोगाउनका लागी गर्भबत्ती महिलाले स्वास्थ्य स्यहारमा ध्यान दिनुपर्ने उहाँको कथन रहेको थियो ।
बच्चाहरु , किशोरी र महिलालाई त्यस्तो समस्याबाट मुक्त गर्नका लागी यस्तो शिविरको नगरपालिकाले आयोजना गरिरहेको नगरप्रमुख यादवको कथन रहेको थियो । यसैगरी नगरपालिकाका प्रमुख प्रशासकिय अधिकृत घनश्याम यादवले भने यस्ता कार्यक्रमहरु खसगरी दलित ,विपन्न परिबारका लक्षितवर्ग समुदायलाई प्रत्यक्ष फाईदा पुग्ने गरेको कारण नगरपालिकाले चासो राख्ने गरेकोछ ।
संचालित शिविरमा पोसिलो खाना , स्वास्थ्य पोषण शिक्षा, वाल भिट्टा लगायत विभिन्न किसिमको औषधीहरु निशुल्क रुपमा वितरण गरिएको नगरपालिकाका स्वास्थ्य सह संयोजक अजय कुमार नेपालले बताउनुभयो । उहाँका अनुसार घरदैलो कार्यक्रम समेत संचालन भएको जानकारी दिनुभएकोछ ।
छुटेका वडाहरुमा भदै १ देखी १० सम्म पुनः शिविर संचालन हुने नगरपालिका श्रोतबाट जानकारी प्रप्त भएकोछ ।
