२६ असोज । विश्व दृष्टि दिवस हरेक वर्षको अक्टोबर महिनामा मनाइने एक अन्तर्राष्ट्रिय दिवस हो, जुन दृष्टि सम्बन्धी स्वास्थ्य, अन्धोपन, दृष्टि गुमाउने समस्याहरू, र दृष्टि संरक्षणको महत्त्वबारे जनचेतना फैलाउनका लागि मनाइन्छ। यो दिवस अन्तर्राष्ट्रिय दृष्टि समितीको नेतृत्वमा विश्वभर विभिन्न संस्थाहरूले मनाउने गर्छन्।
२०२५ को विश्व दृष्टि दिवसको नारा आफ्ना आँखालाई माया गरौँ पछिल्ला वर्षहरूमा प्रयोग हुँदै आएको मुख्य नारामध्ये एक हो।
विश्व दृष्टि दिवसले हामीलाई हाम्रो दृष्टिको महत्व सम्झाउने काम गर्छ। आँखाको माया गरौँ, नियमित परीक्षण गरौँ, र अरूलाई पनि यसको बारेमा जानकारी दिऔँ। यस दिनलाई साँचो अर्थमा सफल बनाउन, सामूहिक प्रयास आवश्यक छ चाहे त्यो व्यक्तिगत, सामाजिक वा सरकारी तहमा किन नहोस्।
दृष्टि स्वास्थ्यप्रति जनचेतना जगाउनु, मानिसहरूमा आँखाको स्वास्थ्यप्रति सचेतना फैलाउनु यसको मुख्य उद्देश्य हो। निराकरण गर्न सकिने अन्धोपन र दृष्टि गुमाउने अवस्थालाई घटाउन, धेरैजसो दृष्टि गुमाउने अवस्था सही समयमा उपचार गरेर रोक्न सकिन्छ। यसबारे जानकारी दिनु यसको अर्को उद्देश्य हो। सरकार र नीति निर्माताहरूको ध्यानाकर्षण गराउनु,दृष्टि सेवा तथा उपचार प्रणालीमा लगानी बढाउने विषयमा सरकारको ध्यानाकर्षण गराउने प्रयास गरिन्छ यसको मुलउद्धेश्य रहेको छ ।
प्रत्येक व्यक्तिले नियमित रुपमा आँखाको जाँच गराउनु पर्छ। दृष्टि गुमाउनुबाट बच्न सकेसम्म चाँडो रोगको पहिचान र उपचार गरिनु पर्छ। स्वास्थ्य सेवा सबैका लागि सुलभ हुनुपर्छ — विशेषगरी विपन्न वर्गका लागि। जीवनशैली, पोषण र सुरक्षामा ध्यान दिनु पनि आँखाको स्वास्थ्यका लागि महत्वपूर्ण छ।
