शम्भु चौधरी, लहान ४ आश्विन । आफुहरुको अधिकार संबिधानमा सुश्चित नभएको भन्दै थारु कल्याणकारणी सभाले लहानमा असोज ३ कालो दिनको रुपमा शान्तिपुर्ण प्रदर्शन गरेको छ।
थारु कल्याणकारी सभाका जिल्ला सचिव दशमीलाल चौधरी र केन्द्रिय सदस्य बिरेन्द्र चौधरी लगायत सयौ जनाले सहिद चौकमा कोणसभा गरि कालो दिनको रुपमा विरोध जनाएका छन ।
कोणसभा गरिरहेका थारु कल्याणकारी सभाले झुण्डीयाईएको व्यानर प्रहरीले खोसेर पछि अजय चौधरीको नेतृत्वमा प्रशासन विरुद्ध नाराबाजी समेत गरेका थिए ।
जिल्ला उपसभापति राम प्रसाद चौधरीले हामी शान्तिपुर्ण आन्दोलनमा छौ व्यनर हामी आफै खोलिहाल्छौ भन्दा भन्दै पनि प्रशासनले जबरजस्ती व्यनर खोले पछि नाराबाजी शुरु भएको उपसभापति चौधरीले बताए ।
यता शान्तिपुर्ण आन्दोलनमा प्रहरी हस्तक्षेप भए पछि जिल्ला सचिव दशमीलाल चाध्रीले घोर भर्तसना जनाएका छन भने केन्द्रिय सदस्य बिरेन्द्र चौधरीले भने सरकारले जबसम्म हाम्रो जायज माग पुरा नहुनजेसम्म हामी कालो दिन यसरी नै मनाउने जिकिर गरेका छन ।
सरकारले संविधान दिवसका अवसरमा दिपावली मनाउन र राष्ट्रिय झण्डा फहराउन सबैमा आह्वानसमेत गरेको थिए ।
