शम्भु चौधरी लहान ११ भादौ । लगातार बर्षासँगै आएको बाढिले सिरहाका विभिन्न ठाउँमा घरहरु डुवानमा परेका छन् । घर डुबानमा परेपछि स्थानीयहरु नजिकैको छिमेकीहरुको घरमा शरण लिएर बसिरहेको स्थानीय शिवु महतोले बताए । उनका अनुसार घरभित्रै पानी पसेकाले माटाका घरहरु भत्केको जानकारी दिए ।
डुवानका कारण अन्न पातहरु काम नलाग्ने भएको स्थानीय महतोले जानकारी दिए । उनलेभने, ‘घरमा भएको सवै अन्न पात भिजेपछि विहान छिमेकीले खाना खुवाए, अव पकाउने ठाउँ पनि छैन, भएको अन्न पातपनि भिजेकोले छाक टार्न मुस्कील छ ।’
पूर्वापश्चिम राजमार्ग देखि उत्तरको पानीको उचित निकास नहुदा बजार पस्ने भएकाले पसलहरु जलमग्न भएको स्थानिय भोगेन्द्र यादवले जानकारी दिए । उनका अनुसार वर्षाको पानीले व्यवसायीहरुको करोडौंको क्षति भएको बताए ।
कमला नदीमा बाढीको बहाब बढ्ेपछि नदी आसपासको क्षेत्रका स्थानीयहरुलाई प्रशासनले सर्तक रहन आग्रह गरेको छ । कमला नदी आसपासको सिरहा नगरपालिका र कल्याणपुर नगरपालिकाका स्थानीयहरुलाई कुनै बेला पनि को बाढी पस्ने सम्भावित क्षेत्रमा उच्च सर्तकता अपाउन प्रशासनले आग्रह गरेको हो । नेपाल प्रहरी र नेपाली सेनाले नदीको तल्लो तटीय क्षेत्रमा नजान माइकिंग गरिरहेको प्रजिअ कणेँलको भनाई छ ।
