राजेन्द्र महतो लहान माघ १३ गते।सिरहा लगायत तराई मधेशका अन्य जिल्लामा अत्याधिक चिसोले जनजीवन प्रभावित भएको छ । लगातारको शीतलहर र बाक्लो हुस्सु लाग्न थालेपछि अत्यधिक चिसोका कारण यहाँका जनजीवन निकै प्रभावित भएको हो ।
शीतलहरसँगै जाडोका कारण बिहान स्कूल एवं कलेज पढ्ने विद्यार्थी, पढाउने शिक्षकलगायत बिहानै काम गर्ने मजदुर धेरै प्रभावित बनेका छन् । शीतलहरका कारण वृद्धवृद्धा र केटाकेटी सबैभन्दा बढी प्रभावित भएका छन् । चिसो हावा चल्न थालेकाले बजार क्षेत्रमा यातायातका साधन अघिपछि भन्दा निकै कम चलेका छन् ।
यहाँ का शिक्षण संस्थाहरुमा समेत बिद्यार्थीहरुको न्युन उपस्थिति देखिएको छ।मौसम नखुलेको कारण यहाँका बजार क्षेत्रमा समेत मान्छेहरुको कम चहलपहल देखिन्छ । शीतलहरसँगै अत्यधिक चिसो बढेपछि बालबालिकामा निमोनिया र श्वासप्रश्वासको सङ्क्रमण बढन सक्ने स्वास्थ्यकर्मी बताउछ्न। चिसो बढेपछि स्थानीय बासिन्दाले बिहानपख ठाउँ–ठाउँमा आगो ताप्न शुरु गरेका छन् ।
शीतलहरका कारण तरकारी बालीसमेत प्रभावित भएको कृषकहरु बताउछन् । शीतलहरले आलु, गोलभेँडा र अन्य सागपातमा समेत असर पुरयाएको स्थानीय कृषक दिपनारायण साह ले बताए ।
