सिहरा ११ असोज। पर्यटन प्रवर्द्धन मार्फत समृद्धिको लक्ष्य आज ४७ औं विश्व पर्यटन दिवस विभिन्न कार्यक्रम आयोजना गरी मनाइँदैछ। हरेक वर्ष सेप्टेम्बर २७ तारिखमा मनाइने विश्व पर्यटन दिवसले पर्यटन क्षेत्रको सामाजिक, सांस्कृतिक, आर्थिक तथा वातावरणीय महत्वबारे जनचेतना अभिवृद्धि गर्ने उद्देश्य राखेको छ।
नेपाल प्राकृतिक तथा सांस्कृतिक पर्यटनका दृष्टिले विश्वमै आकर्षक गन्तव्यका रूपमा परिचित छ। हिमाल, पहाड, तराई, धार्मिक तथा ऐतिहासिक स्थल, जैविक विविधता र मौलिक संस्कृतिले नेपाललाई पर्यटनका लागि विशेष सम्भावना भएको देश बनाएको छ।
नेपालमा सगरमाथा, पोखरा, चितवन, लुम्बिनी, जनकपुर, पशुपतिनाथ, मुक्तिनाथलगायतका क्षेत्र पर्यटकका प्रमुख आकर्षणका केन्द्र हुन्। पछिल्लो समय ग्रामीण पर्यटन, धार्मिक पर्यटन, साहसिक पर्यटन तथा होमस्टे पर्यटनको सम्भावना पनि विस्तार हुँदै गएको छ।
पर्यटन क्षेत्रले रोजगारी सिर्जना, स्थानीय उत्पादनको बजार विस्तार तथा स्थानीय समुदायको आयआर्जनमा महत्वपूर्ण योगदान पुर्याउन सक्छ। त्यसैले पर्यटन पूर्वाधारको विकास, पर्यटकीय स्थलको संरक्षण, सरसफाइ, सुरक्षा र प्रचार–प्रसारलाई प्राथमिकता दिनुपर्ने सरोकारवालाहरूको धारणा छ।
विश्व पर्यटन दिवसको अवसरमा पर्यटन क्षेत्रसँग सम्बन्धित विभिन्न संघ–संस्था तथा निकायले पर्यटन प्रवर्द्धन, सांस्कृतिक कार्यक्रम, अन्तरक्रिया, सरसफाइ तथा जनचेतनामूलक कार्यक्रम आयोजना गर्दै आएका छन्।
नेपालले पनि पर्यटनलाई आर्थिक विकास र स्थानीय समृद्धिको महत्वपूर्ण आधारका रूपमा अघि बढाउँदै आएको छ।
पर्यटन प्रवर्द्धन मार्फत समृद्धिको लक्ष्य आज विश्व पर्यटन दिवस
