शम्भु चौधरी सिरहा १ असार । श्रृजनशिल लघुवित्त वित्तिय संस्था शाखा कार्यालय कल्याणपुरद्धरा कल्याणपु्र न पा ११ मा एक दिने आँखा जाँच शिविर शुक्रबार सम्पन्न भएको छ ।
गरिब निमुखा जनता जो आँखा उपचार गर्न नसक्ने त्यस्ता जनतालाई ठाउँमै उपचार गराउन सकने उद्धेश्यले शिविर संचालन भएको थियो । शिविरमा जम्मा २ सय ७७ जना आँखाका बिरामीहरुले उपचार सेवा पाएका थिए । ६१ जना पुरुष र २ सय १६ जना महिला मध्ये ४९ जना मोतियाबिन्दका विरामी फेला परेको कल्याणपुर शाखाका प्रमुख रनजन साहले बताए ।
फेला पररेका मोतियाबिन्दका बिरामीहरुलाई चौधरी आँखा अस्पताल लहानमा लगी सेवा ग्राहीलाई निःशुल्क र सेवा ग्राही बाहिरकालाई रु १ हजार २ सयमा अप्रेशन गराउने शाखा प्रमुख साहले बताए ।
यो वित्तिय संंस्था २०६७ माघ १ गते स्थापना भएको हो । हाल यसले ४ वटा नगर पालिका र २ गाउँ पालिकामा कार्य गरिरहेको छ । १ सय ३१ केन्द्र अन्तर्गत २ हजार ६ सय ५ जना सदस्यहरु आवद्ध रहेको छ । जुन सदस्यहरु मध्येबाट १ हजार ७१ जनाले ऋणको कारोबार गरिरहेको शाखा प्रमुख साहले बताए ।
मानिसको सबभन्दा अमुल्य चिज नै आँखा हो त्यसैले यस संस्थामा आवद्ध भएको विपन्न तथा आर्थिक दृष्टिकोणले कमजोर भएको सदस्यहरु जो मोतिया बिन्द जस्ता बिरामीको अप्रेशन गराउन सकिरहेको छैन त्यस्ताको लागी यो शिविर संचालन गरिएको श्रृजनशिल लघुवित्त वित्तिय संस्था केन्द्रिय कार्यालय चोहर्वा सिरहाका वरिष्ठ अधिकृत हरिभक्त श्रेष्ठले बताए ।
शिविर नेपाल नेत्र ज्योति संघ, लहान आँखा तथा कान उपचार प्रणली, सागरमाथा चौधरी आँखा अस्पताल लहान सिरहाको प्राविधिक सहयोग र श्रृजनशिल लघुवित्त वित्तिय संस्था लि शाखा कार्यालय कल्याणपु्र सिरहाको आयोजनामा सम्पन्न भएको थियो ।
