शम्भु चौधरी लहान १० पुस । द फ्रिडम फण्डको सहयोग र भवानी एकिकृत विकास केन्द्र धनगढीमाई नगरपालिका २ भवनीपुरको सहकार्यमा संचालन भएको जय माँ कालि बचत तथा ऋण सहकारी सस्था लि लक्ष्मीपुर गाउँपालिका ३ ले चैथो वर्ष पार गरी पाचौ वर्षमा प्रवेश गरेको अवसर पारी चौथो वार्षिक साधारण सम्पन्न गरेको छ ।
लक्ष्मीपुर पतारी गाउँपालिका ३ का वडा अध्यक्ष हनुमान मण्डलको प्रमुख आतिथ्यमा सम्पन्न सो सभामा केन्द्रका परियोजना संयोजक कपलेश्वर साह लगायतका व्यक्तिहरुको सहभागी रहेको थियो ।
सभाबाट सहकारीमा नयाँ कार्य समिति पनि चयन भएको समाजिक परिचालक हेम शंकर साहले बताए । समितिका अध्यक्षमा शान्ति देवि गुप्ता,उपाध्यक्षमा जानो देवि राम,सचिवमा सोनिया देवि मुखिया र सदस्यहरुका क्रमशः जिवछी देवि राम, विपती देवि राम,राम वति दास प्रमिला दास,चन्दो देवि दास र संजु देवि मुखिया चयन भएको छ । त्यस्तै लेखा समिति र ऋण समितिमा ३ ३ जनाको समिति चयन भएको परियोजना संयोजक साहले बताए ।
सभालाई संचालन केन्द्रका समाजिक परिचालक हेम शंकर साहले गर्नु भएको थियो ।
