अनुभक्त चौधरी लहान ८ पुस । लक्ष्मीपुर पतारी गाउँ पालिका वडा नं २ का वडा अध्यक्ष धर्मेन्द्र कुमार राय दनुवारले सहकारी संचालन गर्न सहकारी प्रति चासो र उत्सुकता हुनु पर्छमा जोड दिनु भएको छ ।
गंगासागर हरवा चरवा बचत तथा ऋण सहकारी संस्था लि लक्ष्मीपुर पतारी २ पर्साको चौथो वार्षिक साधारण सभालाई प्रमुख अतिथिको आसनबाट सम्बोधन गर्दै बताउनु भयो । साथै वहाँले थपदै भनु भो सहकारीको पोशाक भएको भए अझ राम्रो हुने थियो किनकी अबको दिनमा हरेक संघ संस्था तथा कार्यालयहरुमा पोशाकले चिनारीको रुप हरन्छमा जोड दिएका थिए । हरेक विकासको लागी सहकरीको कार्यलाई अगाडी बढाउनु पर्नेमा समेत जोड दिनु भएको छ ।
सभामा सहकारीका कोषाध्यक्ष सरस्वती कुमारी सिंहले आ व २०७६।७७ को आय व्यय विवरण प्रतिवेदन ६ लाख १० हजारको बजेट प्रस्तुत गर्नु भएको थियो । प्रतिवेदनमा १ सय ४ महिला सदस्यहरु आवद्ध रहेको समेत जानकारी दिनु भयो ।
द फ्रिडम फण्ड को सहयोगमा र भवानी एकिकृत विकास केन्द्र धनगढीमाई नगरपालिका २ भवानीपुरका सहकार्यका संचालन भएको सभामा केन्द्रका अध्यक्ष दिपेश कुमार चौधरी, परियोजना संयोजक कपलेश्वर साह, सुपरभाईजर ज्ञानदिप चौधरी लगायतका व्यक्तिहरु सहभागी भएका थिए ।
सहकारीका अध्यक्ष विना देवि सिंहको अध्यक्षतामा सभा सम्पन्न भएको थियो भने कार्यक्रममा केन्द्रका समाजिक परिचालक हेम शंकर साहले उदघोषण गरेका थिए ।
सभाबाट नयाँ संचालक समिति समेत चयन गरेका छन जस मध्ये अध्यक्षमा शान्ति देवि मण्डल,उपाध्यक्षमा ललिता देवि सहनी,सचिव प्रबन्धकमा अनिता देवि राम र सदस्यहरुमा क्रमशः चन्दन देवि रजक,रामकलि सहनी,उर्मिला मण्डल, निलम कुमारी राम चयन भएको छ । त्यसतै लेखा समितिमा र ऋण समितिमा ३ ३ जना सदस्य चयन भएको परियोजना संयोजक साहले जानकारी दिएका छन ।
