सचिता चौधरी लहान ३ फाल्गुन । केहि प्राविधिक कारणबस रोकिएको प्याब्सन इन्टर स्कुल क्रिकेट प्रतियोगिताको फाइनल खेल शनिबार सम्पन्न भएको छ ।
फाइनल खेलमा लोटस ईगलिस बोर्डिग स्कुल लहान ८ ले बेबी एन्जल स्कुल लहान ४ लाई ९ रनले पराजित गर्दै उपाधि जितन सफल भएका छन् । लोटस स्कुल पहिलो ब्याटिंग गर्दै निर्धारित २० ओभरमा ९ विकेट गुमाई ८३ रन बनाउदा बेबी एन्जल १७ ओभर १ बलमा ७४ रनमा समेटिएको थियो ।
उपाधि जित्न सफल भएका लोटसले प्रथम पुरस्कार वापत नगद रु ३१ हजार, कप, मेडल, प्रमाण पत्र र दोस्रो हुने वेवी एन्जेलले नगद रु २१ हजार, कप, मेडल र प्रमाण पत्र पाएको लोटसका सहप्रधानाध्यापक अरुण कुमार चौधरीले बताए ।
समारोह कार्याक्रममा प्यावसनका जिल्ला अध्यक्ष उमेश कुमार चौधरीले विजेता तथा उपविजेतालाई नगद, कप, मेडल तथा प्रमाण पत्र वितरण गरिएको थियो ।
प्रतियोगिता आयोजन प्याब्सन सिरहा रहेको थियो भने व्यवस्थापन लहान क्रिकेट क्लवले गरेका आयोजक समितिले बताएका छन ।
