अमृत भट्टराई / बिहादी, पर्वत २६ भदौ । पर्वतको बिहादी गाउँपालीका वडा नम्बर दुई बर्राचौर मा रहेको खहरे झरना प्रचारप्रसारको अभावमा ओझेलमा परेको छ । बर्राचौर को एक सुन्दर र हरियाली ठाउँमा रहेको खहरे झरना खहरे खोला बाट बहने खहरेखोला को अन्तिम भागमा अवस्थित रहेको छ । अहिलेसम्म यस क्षेत्रमा कसैको ध्यानाकर्षण नभएको बर्राचौरका एक युवाले बताए । बिहादी बौरको काखमा अवस्थित झरनामा जाने बाटो समेत नहुदा पनि यो झरना ओझेलमा परेको स्थानीयले बताउछन् । यश क्षेत्रमा राम्रोसँग पुग्ने गरि पैदलमार्ग निर्माण गरेमा बर्राचौर मात्र नभइ बिहादी कै पर्यटकीय ठाउँ बनाउन सकिने देखिन्छ । कालीगण्डकी करिडोर बाट करिब दुई सय मिटर तल रहेको खहरे झरनामा सडक पुराउन सक्ने भन्ने स्थानीय र बाहिरी पर्यटनका लागि एक गन्तव्य बन्न सक्ने देखिन्छ । देशमा स्थानीय सरकार भएपनि अहिलेसम्म खहरे झरनालाई केही फरक भरेको छैन स्थानीय सरकारले यस्ता क्षेत्रमा लगानी गरेर बाहिरी प्रचारप्रसारमा लिहाएमा स्थानीय बासिन्दालाई पनि फाइदा हुने देखिन्छ । स्थानीय बासिन्दाले खहरे झरना अवलोकन गर्ने आउनेहरु बाट व्यापार गरेरै आफ्नै ठाउँमा रोजगारी पाउने समेत सम्भावना रहेको यश क्षेत्रमा स्थानीय सरकारको समयमा नै ध्यान जान आवश रहेको देखिन्छ ।
