हरिकुमार केसी,गुल्मी १८ भदौ।अविरल बर्षा सँगै आएको बाढीले बगाउँदा बाग्लुङ्ग को ढोरपाटनमा १० जनाको मृत्यु भएको छ भने दर्जनौं बेपत्ता भएका छन् । जिल्लाको ढोरपाटन नगरपालिकाको वडा नम्बर ९ मा आएको बाढीले दर्जनौं घरहरू बगाएको छ ।
बाढीमा बेपत्ता भएका १० जनाको शव भेटिए पनि पहिचान हुन सकेको छैन । शव क्षत विक्षत रुपमा फेला परेका कारण पहिचान गर्न समस्या भएको जिल्ला प्रहरी कार्यालय बागलुङका प्रहरी नायव उपरिक्षक तथा सूचना अधिकारी राजेन्द्र रेग्मीले जानकारी दिनुभयो । बाढीले ३१ घरमा पूर्ण क्षति पु¥याएको छ । “स्थानीयले दिएको सूचना अनुसार हाल सम्म ४१ जना वेपत्ता भएको प्रहरीलाई प्राप्त भएको छ” रेग्मीले भन्नुभयो “४१ मध्येका मृतक १० हुन् वा अन्य हुन् भन्ने विषयमा मृतकको पहिचान खुल्न नसक्दा समस्या भएको छ ।” मृतक १० जना मध्ये एकको मात्रै पहिचान भएको छ । कसैको खुट्टा चुडिएको त कसैको टाउँको चुडिएको अवस्थामा शव फेला परेको प्रहरीको भनाई रहेको छ ।
घटना स्थलमा नेपाल प्रहरी र नेपाली सेनाले उद्दार गरिरहेको छ । घटनामा हाल सम्म चार जना घाइते भएको प्रहरीको भनाई रहेको छ ।
प्रहरीका अनुसार बाढीका कारण घाइते हुँनेमा ढोरपाटन न.पा.४ दुनेपोखरा बस्ने बर्ष १५ को महेन्द्र पुन, वर्ष २८ की सरीता घर्ती, बर्ष ४२ को धर्मेन्द्र पुन, बर्ष ५४ की बेलमती पुन घाइते भएका छन् ।
