लहान २६ साउन।सिरहाको दोहटीया ६ मा आफ्नै घरमा अवैध लागूऔषध ब्राउनसुगर बिक्री वितरण गर्नको लागि लुकाई छिपाई राखिएको अवस्थामा प्रहरीले ६ जनालाई पक्राउ गरेको छ ।
ईलाका प्रहरी कार्यालय गोलबजार सिरहाबाट बिशेष सुचनाको अधारमा खटिएको प्रहरी टोलिले गोलबजार नगरपालिका वडा नम्बर ६ का २८ बर्षीय पाण्डव गुप्ताले आफ्नै घरको कोठामा बिक्री वितरण गर्नको लागि लुकाई छिपाई राखिएको अबैध लागु औषध ब्राउनसुगर सहित ६ जनालाई प्रहरीले पक्राउ गरेको हो।
लागु औषध कारोबारमा पक्राउ पर्नेमा सिरहाको गोलबजार नगरपालिका वडा नम्वर ६ का २८ वर्षीय पाण्डव गुप्ता,२२ वर्षीय सुरज परियार,२० वर्षीय रोशन लामा , गोलबजार नगरपालिका ४ का २० वर्षीय सैफली खान ,गोलबजार नगरपालिका ५ का १९ वर्षीय विवेक श्रेष्ठ र गोलबजार नगरपालिका वडा नम्बर ६ का १९ वर्षीय शिरिलमहरालाई पक्राउ गरेको जिल्ला प्रहरी कार्यालय सिरहाका डिएसपी विनोद घिमिरेले जानकारी दिएका छन् ।
पाण्डव सिहित उनीहरूको साथबाट सानो सानो सेतो प्लास्टीकको पोकामा ५ थान कालो प्लास्टिकको ठूलो पोका एक थान सपै तौल गर्दा १ ग्राम ४०० मिलीग्राम र प्लास्टिक हटाएर पुन तौल गर्दा १ ग्राम २०० मिलिग्राम अबैध लागु औषध सहित बरामद गरेको डिएसपी घिमिरेले बताए। पक्राउ परेमा घर धनी सहित ६ जनालाई ईलाका प्रहरी कार्यालय गोलबजारमा राखी उनीहरूको पथ अनुसन्धान कार्य भइरहेको जिल्ला प्रहरी कार्यालय सिरहाले जानकारी दिनुभएको छ।
