इलाम २२ फाल्गुन । इलामको फाकफोक गाउँपालिका–६ को फूस्रेस्थित तीनजुरे बोर्डिङ्ग स्कूलको छात्राबासमा आगलागी हुँदा २५ लाख बराबरको क्षति भएको छ । गएराति विद्युत सर्ट भई आगलागी हुदाँ काठको बेरा र टिनको छानो भएको दुईतले घर जलेर नष्ट भएको प्रहरीले जानकारी दिएको छ ।
चौकीका अनुसार, घरभित्र रहेको भाडावर्तन, लत्ताकपडा, अन्नपात, टि.भी. दुई थान, ल्यापटप ४ थान, कम्प्युटर २ थान, कुर्सी, दराज खाट जलेर नष्ट हुदाँ २५ लाख बराबरको क्षति भएको हो ।
आगलागी भएको थाहा भएपछि भने, स्थानियबासी र प्रहरीको सहयोगबाट करिब दुई घण्टापछि आगो नियन्त्रणमा लिइएको जिल्ला प्रहरी कार्यलय इलामका सूचना अधिकृत प्रहरी नायव उपरिक्षक हेमन्त भण्डारी क्षेत्रीले जानकारी दिए । राजधानी डेलिबाट
