शम्भु चौधरी, लहान १८ चैत्र । राष्ट्रिय आर्थिक गणना २०८२ सम्बन्धि जिल्ला स्तरीय अन्तर्किया तथा सचेतना कार्यक्रम बुधबार धनुषामा सम्पन्न भएको छ ।
कार्यक्रम धनुषा जिल्लाको प्रमुख जिल्ला अधिकारी प्रेम प्रसाद लुइटेलको संयोजकत्व सम्पन्न भएको हो । अधिकारी लुईटेलका अनुसार राष्ट्रिय आर्थिक गणना २०८२ मा संकलित तथ्याङ्कले स्थानीय आर्थिक अवस्थाको स्पष्ट चित्र प्रस्तुत गर्नुका साथै भावी नीति निर्माण तथा विकास योजनामा महत्वपूर्ण सहयोग पुग्ने विश्वास व्यक्त गरिएको छ ।
अन्तरक्रिया कार्यक्रममा आर्थिक गतिविधि, उद्योग तथा व्यवसाय सम्बन्धी तथ्याङ्क सङ्कलनको महत्वबारे जानकारी तथा आर्थिक गणना २०८२ सम्बन्धी विस्तृत जानकारी राष्ट्रिय तथ्यांक कार्यालयका कार्यालय प्रमुख शिव नारायण महतोले जानकारी गराएका थिए ।
यस कार्यक्रममा जिल्ला भरिका ४० वटा व्यावसायिक संघ संस्थाको अध्यक्ष वा प्रतिनिधी, अधिकृत संगमका अध्यक्ष एवम् रेडियो नेपालका वरिष्ट संवाददाता, राससका वरिष्ट संवाददाता, अन्य पत्राकार एवम् संचारकर्मी , विभिन्न कार्यालयका प्रमुख एवम् प्रतिनिधी, सबै सुरक्षा निकायका प्रमुखहरु तथा महोत्तरी जिल्लाका जिल्ला आर्थिक गणना अधिकारी लगायतको सहभागीतामा सफलतापूर्वक सम्पन्न भएको हो ।
अधिकृत संगमको हलमा सम्पन्न कार्यक्रमको अध्यक्षता धनुषा उधोग वाणिज्य संघको अध्यक्ष सुरेन्द्र भणडारीको अध्यक्षतामा सम्पन्न भएको छ ।
कार्यक्रम नेपाल सरकार प्रधानमंत्रि तथा मंत्रिपरिषदको कार्यालय राष्ट्रिय तथ्यांक कार्यालय राष्ट्रिय आर्थिक गणना २०८२ जिल्ला आर्थिक गणना कार्यालय धनुषाको आयोजनामा सम्पन्न भएको थियो ।
