माघ ७, लन्डन (बेलायत) । सामाजिक सञ्जाल फेसबुकले बेलायतमा १ हजार रोजगारी सृजना गर्ने भएको छ । कम्पनीले यसै वर्षभित्र त्यहाँ अनलाइनमा हानिकार सामाग्री रोक्ने टिममा समेत गरेर सो संख्यामा नयाँ कर्मचारी भर्ती गर्न लागेको हो ।
माथि बताइएकोमध्ये आधा रोजगारी प्रविधिमा आधारित हुने बताइएको छ । यसमा धेरैजसो काम भने सफ्टवेयर इञ्जिनियरिङ, प्रडक्ट डिजाइन र डेटा साइन्ससँग सम्बन्धित हुने छ । योसँगै बेलायतमा कम्पनीको कार्यबल ४ हजार माथि नाघ्नेछ ।
आफैंलाई हानी पुर्याउने र राजनीतिक अतिवादलाई प्रवर्द्धन गर्ने खालका पोष्टहरु हटाउन कम्पनीमाथि पछिल्लो समय दबाब बढिरहेको छ ।गत वर्षको पूर्वार्द्धमा मलेशियामा एक किशोरीले आत्महत्या गरेपछि कम्पनीले अनलाइनमा गलत कन्टेन्ट हटाउन निकै लगानी गरिरहेको छ ।
कम्पनीले आतंकवादको प्रवर्द्धन गर्ने पोष्टहरुलाई हटाउने काम पनि तीव्र पारेको छ ।
स्विटजरल्याण्डको डाभोसमा विश्व आर्थिक मञ्चको सम्मेलनमा जानु अघि फेसबुककी प्रमुख सञ्चालन अधिकृत (सीएफओ) शेर्ल सान्डबर्गले नयाँ कर्मचारी भर्तीको घोषणा गर्ने छिन् । आर्थिक अभियानबाट
