देशको राजनीति ठिक ठाउँमा नआए अर्को दुर्घटना हुन्छ ,विद्रोही

सप्तरी ९ कार्तिक । समाजवादी पार्टीका नेता राजेश विद्रोहीले देशको राजनीति यस्तै अबस्थामा रहिरहे अर्को दुर्घटना हुने बताएका छन् । सप्तरीको अमहामा खड्कनाथ चौधरीको शोकसभामा सम्बोधन गर्दै भनेका छन्, लोकतन्त्र आएपछि मुलुकमा राजनीतिक दलले के के नै ल्याए जस्तो गरेको छ । मनपर्दी हावादारी कुरामा जनतालाई भुलाएका छन् ।

जनतालाई यो कुरा मन परेको छैन् । नागरिकको जीवन दिनानुदिन संकटमा फस्दै गएको छ । सरकारको अनावश्यक नारावाजी, महंगी, ठगी र व्यापक भ्रष्टाचारले सरकार आफै असफल भइसकेको बताए । उनले भने अव घरघरबाट फेरि नागरिक जाग्नुपर्ने बेला आएको छ । त्यसो भएन भने मुलुकमा इतिहास दोहरिने खतरा उतिकै बढेर गएको बताएकाछन् ।

राजनीति मुलुकको मुख्य हतियार हो । जुन हतियार असफल हुदै गएको छ । समयमै सचेत नभए राजनीतिक दलको पतासाफ हुने पनि सकेत गर्नुभएको छ ।