शम्भु चौधरी लहान, २५ असार । सिरहामा स्कुल बस र मोटरसाइकल इक आपसमा ठोकिंदा एक जनाको मृत्यु भएको छ । मोटरसाइकलमा सवार परिचय नखुलेका अन्दाजी २४ वर्षीय युवकको मृत्यु भएको हो। दुर्घटनामा दुई जना घाइते भएका छन् ।
पूर्वपश्चिम महेन्द्र राजमार्ग अन्तर्गत गोलबजार नगरापालिका ९ चोहवामा मे १ ख २३६३ नम्बरको शिव शक्ति बाल बोर्डिङग स्कुलको बसले सोही दिशाबाट आउँदै गरेको म प्र ०१ ००५ प ३४०६ नम्बरको मोटरसाइकललाई ठक्कर दिइको थियो ।
दुर्घटनामा मिर्चया ५ का २४ वर्षीय शंख रिहान र १९ वर्षीय यनतियाज राइन घाइते भएका छन् ।
पूर्वबाट पश्चिमतर्फ गइरहेको बस एक्कासी उत्तर गोविन्दपुरतर्फ मोडिंदा सोही दिशाबाट आउँदै गरेको मोटरसाइकल बसमा ठोकिएको प्रहरीको भनाइ छ।
घाइृते दुबैको टाउको, हात, खुट्टामा चोट लागेकाले रिहानको अवस्था गम्भीर रहेको छ। उनको लाइफ लोङ्ग अस्पताल गोलबजारमा सामान्य उपचार पश्चात थप उपचारको लागि बिराटनगर रिफर गरिएको छ।
राइनको गोलबजरमा उपचार भईरहेको प्रहरीले बताएका छन। उनीहरु तीनै जना एउटै मोटरसाइकलमा सवार रहेको प्रत्यक्ष दर्शिले बताए । हाल सव मिचैया अस्पतालमा रहेको प्रहरीले बताएको छ।
बस र चालक प्रहरीको नियन्त्रणमा राखी आवश्यक अनुसंधान भई रहेको प्रहरी बताएका छन ।
