शम्भु चौधरी लहान २५ फाल्गुन । धनगढीमाई नगरपालिका–१३ स्थित पत्रकार मण्डलले स्थानीय समुदायको आस्थालाई सम्मान गर्दै मन्दिर निर्माणका लागि आर्थिक सहयोग जुटाएका थिए। साथै, उनले स्थानीय बासिन्दा, समाजसेवी, तथा प्रवासी नेपालीहरूसँग समेत सहयोगको अपिल गरेका थिए। समुदायको अपार सहयोगका कारण मन्दिरको निर्माण कार्य निर्धारित समयमै सम्पन्न भएको हो।
मन्दिर उद्घाटन समारोहमा विभिन्न धार्मिक तथा समाजसेवी व्यक्तित्वहरूको उपस्थिति रहेको थियो। स्थानीय बासिन्दाहरूले पत्रकार मण्डलको सामाजिक सेवाको खुलेरै प्रशंसा गरेका छन्। मण्डलले भने, “म सञ्चार मात्र होइन, समाजसेवामा पनि समर्पित छु। धार्मिक स्थलहरूको संरक्षण गर्नु हाम्रो कर्तव्य हो।” उनले थपे, “स्थानीयबासीको चाहना अनुसार यो मन्दिर निर्माण कार्य पूरा गर्न पाउँदा मलाई गर्व लागेको छ।”
मण्डल सञ्चार जगतमा एक बहु प्रभावशालि नाम हुन्। सञ्चार माध्यम मार्फत समाजको आवाज बुलन्द पार्दै आएका मण्डलले पछिल्लो समय विभिन्न सामाजिक अभियानमा समेत संलग्नता जनाइरहेका छन्। स्थानीय बासिन्दा, भक्तजन तथा समाजसेवीहरूको सहयोगले सम्पन्न मन्दिर अब धार्मिक तथा सांस्कृतिक गतिविधिको केन्द्र बन्ने विश्वास गरिएको छ।
यस मन्दिरले धार्मिक पर्यटकहरूलाई पनि आकर्षित गर्ने अपेक्षा गरिएको छ।
समाजसेवा र सञ्चारको दोहोरो भूमिकामा रहेका मण्डलले आगामी दिनमा अन्य सामाजिक परियोजनाहरूमा पनि हातेमालो गर्ने प्रतिबद्धता जनाएका छन्। उनको प्रयासले स्थानिय समुदायमा नयाँ ऊर्जा थपेको छ भने धार्मिक आस्थालाई थप मजबुत बनाएको छ।
