१७ मंसिर । विश्व अपांग दिवस प्रत्येक वर्ष डिसेम्बर ३ मा मनाइन्छ। संयुक्त राष्ट्रसंघले सन् १९९२ मा यो दिवसको घोषणा गरेको हो।
यसको मुख्य उद्देश्य अपांगता भएका व्यक्तिहरूप्रति सम्मान, अधिकार, समान अवसर, पहुँच र समावेशी समाज निर्माण गर्नुका साथै अपांग व्यक्तिहरूको अधिकारको संरक्षण, समावेशी विकासको प्रवर्द्धन, सामाजिक सचेतना वृद्धि, नीतिगत सुधारको माग हो ।
विभिन्न सरकारी तथा गैरसरकारी संस्थाले सचेतना कार्यक्रम, छलफल, गोष्ठी र सांस्कृतिक कार्यक्रम आयोजना गर्छन्। विद्यालय तथा क्याम्पसहरूले विद्यार्थीहरूलाई समावेशी शिक्षा बारे जागरूक गराउने कार्यक्रम गर्छन्। अपांग व्यक्तिहरूका अनुभव, समस्या र सुझाव सार्वजनिक गरिन्छ। सामाजिक सञ्जाल तथा सञ्चारमाध्यमबाट समावेशी समाज निर्माणका सन्देश प्रसारित गरिन्छ।
समावेशी समाज तब मात्र सम्भव हुन्छ जब सबै मानिसहरूलाई समान सम्मान र अवसर दिइन्छ । अपांग व्यक्तिहरू पनि समाजका सक्रिय, सक्षम र प्रतिभाशाली सदस्य हुन्। हामी प्रत्येकले उनीहरूको अधिकार र सम्मान कायम राख्न योगदान दिनुपर्छ।विश्व अपांग दिवसले हामीलाई सम्झाउँछ ।
अपांगता कुनै व्यक्तिगत कमजोरी होइनस यो सामाजिक र वातावरणीय बाधासँग सम्बन्धित चुनौती हो। यदि पूर्वाधार अपांगमैत्री छ भने धेरै अपांगताहरू चुनौतीजस्तै नदेखिन पनि सक्छन्। त्यसैले समाज, सरकार र समुदायले सबैका लागि समान अवसर र सम्मान सुनिश्चित गर्नुपर्छ।
