लहान नगर पालिका स्तरमा विपद् जोखिम न्यूनीकरण सम्बन्धी संवाद कार्यक्रम

लहान,२९ जेठ । लहान नगर पालिका स्तरमा जोखिम न्युनिकरण तथा व्यवस्थापन सम्बन्धि रहेका निति बारेमा स्थानिय सरोकारबालाहरुसंग अन्तरक्रिया कार्यधmम विहिबार सम्पन्न भएको छ ।
लहान नगरपालिका स्तरीय उक्त कार्यक्रममा नगर प्रमुख महेश कुमार चौधरी प्रमुख,प्रसासकिय अधिकृत जयकान्त झा वडाध्यक्षहरू तथा अन्य कार्यपालिका सदस्यहरूको विशेष उपस्थिति रहेको दलित जनकल्याण युवा कल्बका समाजिक परिचालक राज कुमार पासवानले बताए ।
कार्यक्रमको उद्देश्य विपद् जोखिम न्यूनीकरण सम्बन्धी स्थानीय नीति निर्माण,कार्यान्वयनमा सरोकारवालाहरूको सहभागिता अभिवृद्धि गर्नुका साथै प्रभावकारी समन्वय र पूर्वतयारी सुनिश्चित गर्नु रहेको परिचालक पासमानले बताए ।
सम्बन्धित निकायहरूका प्रतिनिधिहरूले स्थानीयस्तरमा देखिएका प्रमुख जोखिम, चुनौतीहरू तथा समाधानका उपायहरूबारे विचार आदानप्रदान गरेका थिए। साथै, सहभागिहरूबीच विपद् व्यवस्थापनको दीर्घकालीन रणनीति, समुदायमा जनचेतना अभिवृद्धि र दिगो समाधानका उपायहरूबारे महत्वपूर्ण छलफल भएको थियो।
कार्यक्रमले स्थानीय सरकार, नागरिक समाज र सरोकारवालाबीच समन्वयात्मक कार्यशैली विकास गर्न सहयोग पुग्ने विश्वास व्यक्त गरिएको छ।
एक्सनएड नेपालको आर्थिक तथा प्राविधिक सहयोगमा दलित जनकल्याण युवा क्लब, लहान–२० द्वारा विपद् जोखिम न्यूनीकरण तथा नीतिगत विषयमा लक्षित संवाद कार्यक्रम नगर कार्यपालिका सदस्यहरु विच सम्पन्न गरिएको छ ।