सप्तरीमा महिला जनमत संघद्वारा आयोजित कार्यक्रमको महिला जनमत संघको उपाध्यक्ष र मधेश प्रदेश सदस्य पिंकी कुमारी भगतको अध्यक्षतामा ११४ औं अन्तर्राष्ट्रिय नारी दिवस बृहत रूपमा मनाएका छन्।
उक्त कार्यक्रममा गोष्ठी कार्यक्रम लगायत र्याली राजविराज जनमत पार्टी कार्यालय देखि नगर परिक्रमा गर्दै नेता चौकमा कोण सभामा परिणत गरेका थिए। कार्यक्रम महिला नेतृ पिंकी कुमारी भगतको नेतृत्वमा भएको आयोजक समितिले जनाए।
कार्यक्रममा विभिन्न नाराहरू समेत राखेको थियो महिलालाई ५०% अधिकार सुनिश्चित गर् ,महिला हिँसा बन्द गर,महिला माथि बिभेद बन्द गर, दाइजो प्रथा अन्त गर,महिलाको सामान अधिकार सुनिश्चित गर् लगायत बिभिन्न नाराहरू लगाउदै कोण सभामा परिणत गरेको पिंकी कुमारी भगतले जानकारी दिनु भयो।
कार्यक्रमा उपस्थित समझाना राना रोजि सिंह मन्जुर चौधरी, साधना दास पुनम यादव लगायतका बिभिन्न जिमेवार ब्यक्तिहरूको उपस्थिति थियोे। प्रत्येक बर्ष ८ मार्चमा अन्तर्राष्ट्रिय नारी दिवस मनाइँदै छ।नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर यो दिवस मनाउने प्रचलन छ।
नेपालमा यस वर्ष ‘लैंगिक समानताको बलियो आधार,सिर्जनात्मक प्रविधिमा महिला पहुँचको विस्तार’ भन्ने राष्ट्रिय नाराका साथ विभिन्न कार्यक्रम गरी यो दिवस मनाइँदै छ।
विश्व महिला आन्दोलनले हालसम्म प्राप्त गरेका उपलब्धीहरूलाई संस्थागत गर्दै लैंगिक समानता हासिल गर्ने उद्देश्यसहित हरेक वर्ष ८ मार्चलाई अन्तर्राष्ट्रिय महिला दिवसका रूपमा मनाइन्छ ।
आजको दिन महिला अधिकारका क्षेत्रमा काम गर्ने विभिन्न संघसंस्थाले र्याली गोष्ठी तथा अन्तक्रिर्या कार्यक्रमको आयोजना गरेका थिए।
