शम्भु चौधरी लहान २५ माघ । धनगढीमाइ नगरपालिकाको आयोजनामा १४ वोटै वडामा निशुल्क आँखा परिक्षण तथा मोतियाबिन्दुको सल्यक्रिया शिविर संचालन गर्ने भएको छ । माघ २५ गते देखि फाल्गुनको ३ गते सम्म शिविर संचालन रहने वडा १ वडा अध्यक्ष सुर्य नारायण यादवले बताए ।
जस अन्र्तगत वडा १ र २ मा २५ विहिबारको दिन जम्मा ४ सय ९ जना बिरामीले सेवा लिएका छन् । जस मध्ये १ सय १० जनामा मोतिया बिन्दुको बिरामी देखा परेका छन। सबै विरामीहरूको नि शुल्क अपरेशन गरिनेछ । अप्रेशनको लागी बिरामीलाई फाल्गुन २ गते नयनपुर अस्पतामा बोलाईएको भवानीपुर स्वास्थ्य चौकीका प्रमुख राम नारायण यादव बताए ।
शिविरमा पुर्जा फ्रि, जाँच फ्रि,औषधी फ्रि,अप्रेशन फ्रि,मोतिया बिन्द बिरामीका लागी कालो चश्मा फ्रि,बिरामीका लागी खिचडी पनि फ्रि रहेको स्वास्थ्य चौकी प्रमुख यादवले बताए ।
यता ५० वर्ष भन्दा माथि सबैलाई अनिवार्य रुपमा आँखा जाँच गरिनु पर्ने साथै पालिका भरीमा करीब ५ सय भन्दा बढी मोतिया बिन्द भएको बिरामीलाई अप्रेशन गर्ने लक्ष्य लिएको वडा १ का वडा अध्यक्ष सुर्य नारायण यादवले बताए ।
शिविरको शुभारम्भ नगरपालिका प्रमुख शिवशंकर महतोले गर्नु भएको थियो । शिवर शुभारम्भ कार्यक्रममा उपप्रमुख संगिता चौधरी वडा अध्यक्षहरु राजनिति दलका प्रतिनिधिहरुको समेत उपस्थिती रहेका अध्यक्ष यादवले बताए ।
धनगढीमाई नगरपालिको आयोजना र तिलगंगा आँखा प्रतिष्ठान गौशाला काठमाडौको साझेदारीमा शिविर श्री जनाता उच्च मा वि बेतहा भवानीपुरको प्रंगन संचालन भएको थियो ।
