महेश सिंह सिरहा लहान १९ मंसिर – नागरिकतामा पहुँच अभिवृद्धिको लागी सिरहाको धनगढीमाई नगरपालिका वडा नम्बर १२,१३,१४ को सरेअमवासमा नागरिकतामा नागरिकको पहुँच अभिवृद्धिको लागी नागरिकता शिबिर सम्पन्न भएको छ।यु.एन.डिपीको आर्थिक सहयोग र स्थानीय सरकारको सहकार्यमा समग्र जनउत्थान केन्द्र लहानले लैङ्गकि हिंसा विरुद्धको १६ दिवसीय अभियान अन्तर्गत हरेक नागरिकलाई नागरिकतामा सह पहुँच होस् भने उदेश्यले वडा कार्यालय मै नागरिकता शिबिर संचालन गरेको हो।
संस्थागत सुधार मार्फत न्यायमा पहुँच अभिवृद्धिको लागी पछिल्लो समय गाउँ गाउँमा अधिवककता सहितको सेवा प्रवाह गर्दै आएका छन्। परियोजनाले सिरहा र सप्तरी गरी ४ वटा पालिकामा न्यायमा पहुँचको लागी कार्यगर्दै आएको समग्र जन उत्थान केन्द्रका अध्यक्ष रामभरोसी महतोले जानकारी दिनु भयो।
न्यायबाट बन्चित रहेका गरिब दलित र सीमान्तकृत समुदायले न्याय नपाउदा दिनानुदिन पीडित हुँदै गएको एक तथ्यांकले देखाएको छ।नेपालमा कानुनी ब्यवसाय न्याय महगो रहेकोले सबैले सह तरिकाले न्याय पाउन भने उदेश्यले घुमती न्यायका लागी कानुनी प्रामर्स सेवा संचालनमा ल्याएको अधिवक्ता तथा परियोजना अधिकृत चन्दन कर्णले बताए।
आम जनतालाई नि:शुल्क कानुनी सल्लाह र प्रामर्सको लागी चर्चित अधिवक्ता देबेन्द्र कुमार साहले सेवा दिने गरेको समग्र जन उत्थान केन्द्र लहानका कार्यकारी निर्देशक देबराज पोखरेलले जानकारी दिनु भयो।
सिरहाको धनगढीमाई नगरपालिका अन्तर्गत पर्ने अतिदुर्गम बस्ती सरेअमबासमा नागरिकताबाट बन्चित रहेका दलित समुदायले राज्यबाट दिने गरेको सेवा सुबिधाबाट समेत बन्चित रहेको कुरा थाहा पाए लगत्तै समग्र जन उत्थान केन्द्रको संस्थागत सुधार न्यायमा पहुँच परियोजनाले स्थानीय सरकार जिल्ला प्रशासन कार्यालय सिरहा ईलाका प्रशासन कार्यालय लहानको सहकार्य र समन्वयमा धनगढीमाई नगरपालिका १२,१३,१४ को सरेअमबासमा नागरिकता प्रमाणपत्र बनाउने शिबिर सम्पन्न भएको वडा अध्यक्ष अमित ठकुरीले जानकारी दिनु भयो।
उक्त शिबिरबाट करिब ३ सय जनाले नागरिकता लिने भएको परियोजना अधिकृत कर्णले बताए।
शिबिर उदघाटन कार्यक्रमको प्रमुख अतिथि बनेका नगर प्रमुख शिवशंकर महतोले भने यो समग्र जनउत्थान केन्द्रको पहलमा हाम्रो नगरपालिकाको दुर्गम बस्तीका गरिब दलित समुदायको नागरिकता पाउने हुँदा आफू निकै खुशी रहेको बताए।
