महेश सिंह सिरहा लहान ३० भदौ – ५९ औं राष्ट्रिय बाल दिवसको उपलक्ष्यमा सिरहाको लहान नगरपालिका १ स्थित संचालनमा रहेको लोटस युनिक एकेडेमीले बाल अधिकार सुनिश्चितताको लागी बृहत रयाली प्रदर्शन गरेका छन्।
बालबालिकामा लगानी सुनिश्चित भबिस्यको थाल्नी भने मुलनाराको साथ लहान बजार परिक्रमा गरेका छन्।ईलाका प्रहरी कार्यालय लहानको समन्वयमा लोटस युनिक एकेडेमीले सयौं दलित गरिब सीमान्तकृत समुदायका बालबालिकाहरुलाई स्कुल जाने बानीको बिकास होस् भने उदेश्यले शैक्षिक सामग्री वितरण गरेका छन्।
स्कुलका संस्थापक प्रीन्सिपल लक्ष्मण चौधरीले बालबालिकाको अधिकारमा बन्चित गर्नु हुदैनन् भन्दै बृहत रयाली प्रदर्शन गरेका थिए।लहान नगरपालिका वडा नम्बर १ का अध्यक्ष युगल किशोर चौधरीको प्रमुख आतिथ्यतामा रयाली निकालिएका हुन्।सुखी नेपाली समृद्ध नेपाल बाल अधिकार सबैको सरोकार’ भने मुल नारा सहित रयाली प्रदर्शन गरेका थिए।
नेपालले बालअधिकारसम्बन्धी महासन्धी १९८९ लाई १४ सेप्टेम्बर १९९० मा अनुमोदन गरेर बालबालिकाको विकास, बालअधिकारको संरक्षण र बालसहभागिता जस्ता विषयमा आफ्नो अन्तर्राष्ट्रिय प्रतिवद्धता प्रकट गरेको दिनकै अवसरमा नेपालले हरेक वर्ष भदौ २९ गते राष्ट्रिय बाल दिवस मनाउँदै आएका छन्। हाल स्कुलमा करिब ४२५ विद्यार्थी अध्ययनरत रहेका छन्।
नेपालमा बालदिवस रत्नराज्य लक्ष्मीदेवी शाहले शुरु गरेको इतिहासमा उल्लेख गरिएको छ। भारत भ्रमण गर्ने क्रममा उनले भारतमा माहात्मा गान्धीको जन्मदिनमा बालदिवस मनाउने गरेको र भारतका प्रभावशाली राजनेताद्वारा समाजसेवामा सक्रियताबाट प्रभावित भएर आफ्नो जन्म दिनपारी नेपाल बाल संगठन स्थापना गरी आफ्नै जन्म दिनमा बालमन्दिर मार्फत टुहुरा अनाथ बालबालिकाको संरक्षणको थालनी गरेको दिनलाई नै राष्ट्रिय बालदिवसको घोषणा गरी सो समयदेखि नियमित रुपमा बालदिवस मनाउन थालिएको हो।
हरेक बर्ष बाल दिवस मनाइदै आए पनि बालबालिकाको अवस्थामा खासै सुधार भने हुन सकेको छैन।देशका विभिन्न स्थानमा बाल श्रम शोषणको घटना जारी रहेको, बालबालिकाको बेचविखन तथा विद्यालय जान नपाउने बालबालिकाको संख्या अझै धेरै रहेको छ।सिरहा लगायत नेपाल भरी रहेका सडक बालबालिकाको अवस्था पनि उस्तै छ।सुबिधाले सम्पन्न परिवारका बालबालिकाको लागी प्रत्यक दिन बाल दिवस हुने गरेको छ।तर गरिबीको रेखा मुनी रहेका बालबालिकाको लागि न सरकारको तर्फबाट न कुनै पहल भयो न कुनै नीतिको निर्माण नभएको बताए।
सडकमा रहेका र पहुँच नभएका बालबालिकाकको लागि हरेक वर्ष मनाइने बाल दिवस शव्द र नारामा मात्र सिमित भएको छ।बालदिवस आफैमा एउटा महत्वपूर्ण दिवस हो । झण्डै नेपालको आधि जनसंख्या बालबालिका रहेकाले पनि बाल दिवस एउटा दिवसको रुपमा मात्र नभएर नयाँ दृष्टिकोण अपनाएर बाल अधिकारको प्रतिबद्धता पूरा गर्नु जरुरी देखिएको छ ।
