शम्भु चौधरी लहान २ जेष्ठ । सिरहाको धनगढीमाई न पा १ को विभिन्न टोल गरी एकै रातमा चार घरमा चौरी भएका छ । साविक भवानीपुर ६,७ र ९ मा गरी चार घरमा चोरी भएको स्थानीयहरुले बताएका छन । राती करीब १ बजेको समयमा मेदनीपुर टोलका शिव कुमार सदायको घरबाट काठको बाक्सा तोडफोड गरी त्यस भित्र रहेका नगद रु ९ हजार लगिएको छ । त्यस्तै बाखर घर भएको देव नारायण यादवको घरबाट नगद ४७ हजार र यादवकी श्रीमतिकी नाकमा लगाएकी २ आनाको सुनको फुलि नोचि लगेको पिडित यादवले बताए ।
यता मेदनीपुरकै चलितर महतोको घरमा पनि चोरी भएको छ । महतोको घरबाट एक थान खसी र एक थान साईकल लगीएको स्थानिय दुखि लाल चौधरीले बताए । त्यस्तै बाखरकै गोविन्दलाल कर्णको घरमा पनि चोरी भएका छन । कर्णकी श्रीमति लालोदेवि कर्णले काठको बाक्सामा राखेको सुन चाँदी तथा नगद समेत लगेको पिडित कर्णले बताए । कति सुन चाँदी र नगद लगिएको त्यो खुल्न सकेको छैन । श्रीमति बाहिर रहेकोले विवरण खुल्न नसकेको पिडित कर्णले बताए ।
यता ईलाका प्रहरी कार्यालय धनगढीबाट आएको प्रहरीले हामी छानबिन गर्दैछौ बताए ।
