कपिलवस्तु १३ फाल्गुन । कपिलवस्तु जिल्ला कृष्णनगर नगरपालिकाको कृष्णनगर स्वास्थ्य चौकीको हलमा बाल अधिकार कार्यक्रम सम्पन्न भएको छ । नगरपालिकाको आयोजनामा समुदायमा बाल बालिकाहरुसंग हुने सचेतनामुलक प्रहरी कार्यक्रम सम्पन्न सम्पन्न भएको छ ।
कार्यक्रममा बाल बचाउ, बाल अधिकार, बाल संरक्षण, लगायत बाल बालिकाको कानूनी अधिकार, बाल बचाउको अधिकार, बाल संरक्षणको अधिकार, बाल विकासको अधिकार, बाल सहभागिताको अधिकार लगायतका बिषयमा कृष्णनगर नगरपालिकाको महिला तथा बाल बालिका शाखा प्रमुख थुमा देवी उपाध्यायले प्रष्ट पार्नुभयो।
अपराध, दुर्घटना, घटना, अपराधि, घटना स्थल लगायतको परिभाषा, कसुर भएको जानकारी कसरी दिने, सुरक्षित र असुरक्षित छुवाई, साइबर क्राइम लगायत बाल बालिकाको अधिकार संरक्षण सम्बंधि लघु चलचित्र समेत देखाई वाल बालिकाको हक अधिकार संरक्षण लगायत बिषयवस्तुमा इलाका प्रहरी कार्यालय कृष्णनगरका प्रमुख प्रहरी निरिक्षक नवराज ढुंगेलले सहजीकररण गर्नुभयो ।
कार्यक्रममा बाल बालिकाको अपराध न्यूनिकरणमा भूमिका तथा बाल बालिका बाट आएको जिज्ञासा समेत लाई स्थान दिई सहजीकरण गरिएको थियो । कृष्णनगर नगरपालिका भित्रका वडा नं दुईका ३० जना तथा वडा नं तीनका ३० जना बाल बालिका हरूको सहभागिता रहेको थियो ।
