न्यून आयस्तर भएका ५० घरपरिवारलाई निशुल्क कम्बल वितरण

शम्भु चौधरी लहान ९ माघ । सिराहाको धनगढीमाई नगरपालिका वडा नं १ का न्यून आयस्तर भएका ५० घरपरिवारलाई निशुल्क कम्बल वितरण गरिएको छ ।

राष्ट्रिय सहकारी बैंक लिमिटेड लहान शाखा र श्रमजिवी वचत तथा ऋण सहकारी लिमिटेड सिराहाको संयुक्त आयोजनामा न्यानो कम्बल वितरण गरेको राष्ट्रिय सहकारी बैंक लहान शाखाका प्रमुख समिर श्रेष्ठले जानकारी दिनुभयो ।
कम्बल वितरण कार्यक्रममा श्रमजिवी वचत तथा ऋण सहकारी संस्थाका अध्यक्ष सुशिलचन्द्र अधिकारीले जाडोको समयमा विपन्न परिवारका लागि सहयोग पु¥याउने उद्देश्यका साथ न्यानो कम्बल वितरण गरिएको बताउनुभयो ।

राष्ट्रिय सहकारी बैंक शाखा समन्वय उपसमिति लहानका सदस्यद्वय पञ्चलाल महतो र देवी कुमारी लामाले सहकारी बैंकले विगतदेखि नै सामाजिक उत्तरदायित्व अन्तरगतका विभिन्न कार्य गर्दै आएको बताउनु भएको थियो ।