राउतले गरे कांग्रेसका ३ मन्त्रीलाइ पद मुक्त

जनकपुरधाम २८ असोज । मधेस प्रदेश सरकारमा मुख्यमन्त्री लालबाबु राउतले सरकारमा रहेको कांग्रेसका ३ जना मन्त्रीलाइ पद मुक्त गरेका हुन ।

कांग्रेसबाट सरकारमा शामिल भौतिक पूर्वाधार तथा विकास मन्त्री रामसरोज यादव, खानेपानी तथा उर्जा विकास मन्त्री ओमप्रकाश शर्मा र महिला बालबालिका युवा तथा खेलकुद मन्त्री बीरेन्द्र सिंहलाइ पदमुक्त गरिएको हो ।

कांग्रेसबाट सरकारमा शामिल मन्त्रीहरुलाइ पदमुक्त गरिएपनी सत्ता गठबन्धनकै माओवादी केन्द्र र नेकपा एकीकृत समाजवादी पार्टी बाट सरकारमा रहेका मन्त्रीहरुलाइ भने मुख्यमन्त्री राउतले पदमुक्त गरेका छैन्न ।

यस अघि बिहीबार साँझ मुख्यमन्त्री राउतले कांग्रेसी मन्त्रीहरुलाइ फोन गरेर राजिनामा दिन आग्रह गरेका थिए । कांग्रेसी मन्त्रीहरुले राजिनामा नदिएपछि मुख्यमन्त्री राउतले पदमुक्त गर्नका लागि प्रदेसप्रमुख समक्ष सिफारिस गरेका थिए ।