सप्तरी ,१८ भदौ सप्तरीमा आफ्नै श्रीमानले छोडेर भागेपछी एक नाबालिका बिच्चलीमा परेकी छिन् । सप्तरीको छिन्नमस्ता गाउँपालिका २ कि १७ वर्षकि जिबछी कुमारी साहलाई सोही गाउँ बस्ने २१ बर्षिय दिपक यादवले गर्भवती बनाई अलपत्र छाडेपछि बिच्चलीमा परेकी हुन ।
गत असार २९ गते छिन्नमस्ता भगवती मन्दिरमा भगाएर बिहे गरि भारत तिर गए । उनिहरु भारतको अमृतसरमा २ महिना बसे । त्यसैक्रममा जिवछी कुमारी साहलाई गर्भवती बनाई गर्भपतन समेत गराएर काका श्याम यादव मार्फत गाउँ छाडेको जिवछीकी आमा कंचनदेवी साहले मंगलबार राजविराजमा पत्रकार सम्मेलनमा बताए ।
आमाको अनुसार जिवछीलाई घर भित्राउनु पर्ने माग गरेकी छिन् । साथै नाबालिक अबस्थामा गर्भवती बनाई जिवन बर्बाद गरी अलपत्र छाडिदिएको भन्दै `भाग्नेलाई कार्वाही होस्’ उनले भने । दिपक र उनका परिवारजनले छोरीलाई स्वीकार गर्नुपर्ने माग गर्दै आएकी छिन ।
त्यसैगरी जिवछी विगत ४ दिन देखि जिल्ला प्रहरी कार्यालय सप्तरीको सेफ हाउसमा राखिएको प्रहरी निरिक्षक प्रकाश बस्नेतले बताए । पीडित जिवछीकी आमा कंचनदेवी साहले छोरीलाई न्याय दिलाउन आफुहरुले घटनाको तेस्रो दिनमै प्रहरीमा निवेदन दिएको बताए ।
यता जिवछी नाबालिका रहेकीले दिपक र जिवछीको विहे गराईदिने कुरामा कानुनी जटिलता देखिएको प्रहरी निरिक्षक बस्नेतले जानकारी दिए । यद्यपी मानवीय आधारमा प्रहरीले गर्न सक्ने सवै पहल गरी पिडितलाई न्याय दिलाउने उनको भनाई थियो ।